主页 > R生活城 >农曆年好节目! 7套新春档期电影!PIXAR、MARVEL乜 > 正文

农曆年好节目! 7套新春档期电影!PIXAR、MARVEL乜

啱啱先过晒圣诞、除夕呢d大日子,话咁快又就嚟到农曆新年喇,记者我每年除咗周围拜年(同返工)之外,都会入戏院睇吓戏,今次就介绍返7套新春档期上映嘅电影,拣定想睇边套到时记得早d买飞喇~

1.花鼠明星俱乐部:开心大唱游(上映日期:2月4日)

农曆年好节目! 7套新春档期电影!PIXAR、MARVEL乜

农曆年好节目! 7套新春档期电影!PIXAR、MARVEL乜

以往几集都好有保证,3只识唱歌跳舞嘅花鼠仔每次都带好多欢乐畀大家,今次三只小鲜肉花鼠花仔、亚矇、亚肥渐渐长大,当佢哋知道主人戴夫要去迈阿密,準备向女友求婚时,竟然以为戴夫会顺便抛弃佢哋,密谋计划抢婚大反击!

2.恐龙大时代(上映日期:2月4日)

农曆年好节目! 7套新春档期电影!PIXAR、MARVEL乜

继《玩转脑朋友》之后,PIXAR带你走入恐龙嘅世界,假如恐龙冇绝种,或者呢个就係我哋嘅故事。弱小嘅人类成为咗恐龙嘅宠物,但係因为一次意外,令到主角同恐龙成为好朋友,善良可以改变世界。PIXAR平时嘅电影都出名係畀大人睇,睇完预告片,记者估计今次都係讲成长,但係可能会加入些少环保元素,不过都係估估吓,真正意思都要到时入场睇完先知。

3.死侍: 不死现身(上映日期:2月9日)

农曆年好节目! 7套新春档期电影!PIXAR、MARVEL乜

农曆年好节目! 7套新春档期电影!PIXAR、MARVEL乜

MARVEL系列电影又有新角色登场喇,死侍係MARVEL系列入面唯一一个知道自己係漫画人物嘅角色,所以佢喺漫画入面经常都会同读者讲嘢,今次拍成电影之后,记者好期待佢同观众嘅互动,听讲佢好似仲会干预字幕点样写佢添!不过死侍亦都係咁多知MARVEL超级英雄入面讲嘢最粗俗嘅一个,因为根据佢所讲,佢根本就唔想做英雄,只係为咗抢返女朋友先去打坏人。

4. 美人鱼(上映日期:2月8日)

农曆年好节目! 7套新春档期电影!PIXAR、MARVEL乜

相信9成香港人都係睇星爷嘅戏长大,继影评麻麻嘅《西游.降魔篇》之后,星爷再次执导,不过今次《美人鱼》嘅预告片都几好笑,特别係嗰几幅美人鱼图,记者都忍唔住笑咗。但係星爷嘅片始终都係广东话先够亲切够好笑,听住普通话版,硬係觉得有d唔多惯啰。

5.西游记之孙悟空三打白骨精(上映日期:2月4日)

农曆年好节目! 7套新春档期电影!PIXAR、MARVEL乜

老实讲,西游记真係由细睇到大,大大话话都睇过10个版本,虽然今次睇完预告片都唔係好知佢讲咩,不过剧情估计都係咁上下,但係今次反而想入场睇吓CG技术,到底点样可以令到城城唔似城城,谦谦唔似谦谦呢?唯一似样d嘅,係得师傅同埋观音大士咋。

6. 卡露的情人(上映日期:2月11日)

农曆年好节目! 7套新春档期电影!PIXAR、MARVEL乜

农曆年好节目! 7套新春档期电影!PIXAR、MARVEL乜

农曆年好节目! 7套新春档期电影!PIXAR、MARVEL乜

呢一类比较小众嘅电影好少可以抢到新春档期上映,所以记者都决定支持一下。故事讲述一个后生女同埋一个贵妇相爱嘅故事,但係喺世俗眼光下,无论性别、身份地位差异都令佢哋不被看好,到底佢哋可唔可以冲破一切抓紧挚爱?除咗故事之外,两位主角本身亦好吸引,分别係金像影后姬蒂白兰芝同埋出炉康城影后朗妮玛娜。

7. 赌城风云 III(上映日期:2月4日)

农曆年好节目! 7套新春档期电影!PIXAR、MARVEL乜

赌_系列似乎长做长有,连赌城风云都拍到第3集,今次有齐周润发、刘德华、张学友、张家辉,仲有PSY添!早排喺MAMA颁奖典礼睇到发哥同PSY一齐跳骑马舞,唔知喺戏入面佢哋又会有咩互动呢?预告片睇落就好似几好笑,不过呢位导演嘅作品,记者就兴趣不大喇。


相关阅读